Байланыс синергиясы (Эксперт Казахстан № 25 (366) 01.07.2012 ж)

«Радиобайланыс» компаниясы RB-K сауда белгісімен 2005 жылдың тамызында өзінің коммерциялық қызметін бастады. Компания ғаламтор желісіне қол жеткізу, деректер беру арналарын, телефон байланысы қызметтерін ұсыну, сымсыз радио желісін пайдалану қызметтерін ұсынуға маманданған. Бүгінгі таңда RB-K желілері республиканың сегіз қалаларында іске қосылды. Компанияның жоспарлары туралы, оның дамуы жайында біз RB-К коммерциялық директоры Руслан Хусаиновпен сұхбаттасатын боламыз.

— Руслан Ирикович, компания құрылған сәттен бастап қаншалықты өзгерді және оның бүгінгі аяқ алысы қандай?

— Осы уақыт аралығында республиканың жаңа өңірлерінде қолжетімді желілерді іске қосу бойынша елеулі жұмыс жүргізілді. Алдымен, компания 11 базалық станцияны тек Алматыда орналастырды. Бұл сан, әрине, Сізге мәселенің мән-жайын толық ашып бере алмайды, бірақ егер RB-K желісі бүгінгі күні тек ұлттық оператор ғана қамтамасыз ететін бүкіл қаланы, шет аймақтарды және тіпті жақын жердегі спутниктік қалаларды қамтиды деп айтар болсақ, шынында да нәтиже қомақты емес пе?

— Бес жыл бұрын біз Астанада және Атырауда қызмет атқардық, әрине, осы жылдар ішінде кең ауқымды кеңейту, желіні жаңғырту осы қалаларға да әсер етті. Бірақ Қазақстанның ұлан-ғайыр аумағымен салыстырғанда үш қала дегеніміз не? Біз қол жеткізген нәтижелерге тоқталмадық және желінің кеңейту жоспарларына сәйкес Ақтау, Ақтөбе, Орал, Қапшағай, Қарағанды, Өскемен қалаларында өз нүктелерімізді аштық. Біз бұнымен тоқтап қалмаймыз, компанияның стратегиялық мақсаты республиканың барлық қалаларында желілері бар толыққанды республикалық оператор болу және нарықта кем дегенде 10% иелену. Компания байланыс саласында технологиялық шешімдерді әзірлеуге өз инвестицияларын кеңейтеді. Біріншіден, бұл Интернет желісіне қатынау жылдамдығын және деректерді беру арналарының жылдамдығын арттырумен байланысты. Екіншіден, ұсынылатын қызметтер спектрін кеңейту үшін қажет. Қазіргі уақытта компания жаңа жабдықтарды тестілеуде, бұл сымсыз деректерді беру қызметтерін сапалы түрде жаңа деңгейге жеткізуге, сондай-ақ абоненттік құрылғыда нақты жылдамдықта 50 Мбит / с дейінгі ғаламторға қол жеткізуге мүмкіндік береді.

— Сіздің компанияңыздың клиенттермен нәтижелі жұмысының сыры неде?

— Өзінің бүкіл тарихында, «Радиобайланыс» компаниясы нарықтың дамуындағы сыни сәттерді дұрыс анықтай және мұндай сәттерді бастан кешіріп жатқан клиенттерге мұқият көңіл бөле алуымен ерекшеленді десек артық айтқандық емес. Бизнес бұны бағалайды. Көп ұзамай ірі компаниялар бізді артықшылықты өнім беруші ретінде ғана емес, дәлелденген стратегиялық серіктес ретінде қарастыра бастады. РБ-К табысының басты факторы – клиенттің қажеттілігіне үнемі назар аудару және салалық әріптестікті дамыту. Компанияның кейбір клиенттері жанармай құятын станциялар желілері болып табылады, мысалы, Ақтөбеге біз жанармай құятын станцияларға қызмет көрсету бойынша тендерді жеңіп алған кезде келдік. Көп ұзамай біздің әріптестеріміздің қатарын жанармай құю станцияларымен бірге банктер толықтырды: біз «Халық банкі» АҚ Ақтөбе филиалын, сосын «Сбербанк» АҚ-ны қостық. Банктермен ынтымақтастық табысты дамып келеді, өйткені біз банкоматтар мен банктің ішкі желісі арасындағы байланыс жүйесін жедел күйттеуді қамтамасыз етеміз.
Компания жаңа клиенттерді іздеу тұрғысынан белсенді түрде жұмыс істейді, жарыстарға үнемі қатысады. Мысалы, 2011 жылы біз Алматыдағы білім беру мекемелері үшін Интернетке қолжетімділікті қамтамасыз ету конкурсын жеңіп алдық. Үш айлық жедел жұмыс барысында «Радиобайланыс» компаниясының қызметкерлері Алматыда 227 білім беру мекемесін біріктірді. Шын мәнісінде, бұл жоба индикативті: біріншіден, біз жобаның шеңберінде қаланың мектептерін бірыңғай серверге қолжетімділік пен интернетке қолжетімділіктің бірыңғай мектеп желісіне біріктірдік. Осылайша, бүгінгі күні Алматыда жалпы білім беретін оқу орындарында өздерінің «корпоративтік» желілері бар, олар үшін жалпы білім беру бағдарламасын интерактивті оқу құралдарын пайдалану мүмкіндігін кеңейту мүмкіндіктері ашылады, бұл қашықтан оқыту мүмкіндіктері үшін қызықты. Екіншіден, жоба шеңберінде оқушыларға қосымша қауіпсіздік қамтамасыз етуге мүмкіндік беретін орталықтандырылған бейнебақылау жүйесі құрылды. Бейнебақылауды тікелей қауіпсіздік қызметі нарығында көшбасшылардың бірі болып табылатын «Бона» агенттігі ұйымдастырған.

— Компанияның жаңа қызмет түрлері туралы айтып берсеңіз?

— Қазақстан нарығы – ең қарқынды өсіп келе жатқан нарық қатарына кіреді, сондықтан біз өз клиенттерімізге жаңа, тиімді және қолайлы қызметтер ұсынамыз. Бүгінгі күні біздің қызығушылық тек ірі тапсырыс берушілермен шектелмейді. Біз сондай-ақ орта және шағын бизнестегі сегменттердің клиенттеріне қызығушылық танытамыз. «Виртуальды кеңсе» қызметі – бұл кеңселік АТС-тің баламасы, ол Сізге Интернет арқылы қашықтықтан RB-K техникалық құралдарын пайдалана отырып ұйымдастырылған бизнес санаттағы кеңселік АТС-тің кең функционалын алуға мүмкіндік береді. Яғни, клиентке АТС-ны сатып алудың қажеті жоқ, клиент өзінің барлық мәселелерін RB-K-ге «аутсорсингке» береді. «Виртуалды телефония» жеке жағдайы ретінде Интернет арқылы телефон байланысына клиенттердің ерекше назарын аударғым келеді. Бұл қызмет қаланың кез келген жерінде Интернетке қосылу мүмкіндігі бар қалалық телефонды пайдалануға мүмкіндік береді. Жұмыс үстелі компьютеріне, ноутбукке немесе смартфонға оңай орнатылады. Қызмет біздің веб-сайтымыздағы веб-интерфейс арқылы клиент өзін басқара алатын қызметтердің қосымша түрлерін қолдайды.

— Руслан Ирикович, қазіргі таңдағы компанияның стратегиялық даму жоспары қандай?

— RB-K даму стратегиясы пайдаланылатын технологиялар мен технологиялық және адам ресурстарын құзыретті басқару арқылы қамтамасыз етілетін Клиенттің қажеттіліктерін кәсіби және жедел қанағаттандыруға бағытталған. RB-K желісінің айқын артықшылығы – бұл сенімді байланыс қажет болған кездегі дереулік, ал кабельдік желі үшін үлкен инвестицияларды және ұзақ уақытты қажет етеді, өйткені кабельді соңғы пайдаланушыға немесе мекемеге («соңғы миля» деп аталатын) жеткізу қажет.
Компания қызметінің басынан бастап біз қызметкерлерге арналған өз қызмет көрсету стандарттарымызды қабылдадық – қосу уақыты 3 күннен аспауы керек. Бірінші күн Сіздің техникалық мүмкіндіктеріңізді бағалауға жұмсалады, екіншісі – барлық қажетті құжаттарды ресімдеу үшін, үшінші – жабдықты орнату және қосу үшін. Басқа телекоммуникациялық компанияларда, оның ішінде жетекші телекоммуникациялық компанияларда жеке тәжірибесінен, мұндай стандартты бірегей деп айтуға болады. Қосылудың мұндай мерзімдерін біздің компаниямыз ғана ұсына алады.

Сондай-ақ сервисті біз өз қызметіміздің ең маңызды аспектісі деп қарастырамыз: іс жүзінде қызметіміздің басынан бастап біз тәулік бойы техникалық қолдауды енгіздік, бізде проблемаларды жоюға берілетін уақытқа қатысты өте қатаң талаптарымыз бар. Компанияның қазіргі қолданыстағы регламентінде былай делінген: клиенттен ұсынылатын қызметтердегі проблемалар туралы ақпарат түскен сәттен бастап барлық кемшіліктер жойылғанға дейін төрт сағаттан аспайтын жұмыс уақыты өтуі тиіс. Сервистік қызметтің тұрақты жұмысын қамтамасыз ету үшін компанияның бөлімшелері арасындағы өзара іс-қимыл процесстері қатаң реттелген және сипатталған, клиенттерден келіп түсетін өтінімдер барлық сатылардан өту кезінде қадағаланады және бақыланады. Тіпті, өтінімдерді жабу фактісі бойынша апта сайын клиенттердің өтінімдеріне талдау жүргізіледі. Осының нәтижесінде белгіленген мерзімдер тек қана қағазда ғана емес, іс жүзінде жүзеге асырылады. Біздің клиенттер әрдайым өз уақытында қызметтер мен сапаны алады, бұл жөнінде мен сеніммен айта аламын!

Қайнар көз: Эксперт Казахстан №21, 14-27 қараша 2016 жыл

adminБайланыс синергиясы (Эксперт Казахстан № 25 (366) 01.07.2012 ж)